INTRODUZZJONI

Infaħħru lil Alla l-Għoli, li joħloq kull ħaġa ħajja, li jżomm f’kull waqt fl-eżistenza kull ma jeżisti u li jħarishom ilkoll mill-biża’ u mit-terrur. Is-salât (talba) u s-salâm tagħna jkunu fuq il-Profeta maħbub Tiegħu, Muhammad ’alaihis-salâm, l-isbaħ, l-aħjar u f’kull aspett l-ogħla fost il-bnedmin; fuq l-Âl (familja) tiegħu, li xerrdu l-għarfien, l-għerf u l-akhlâq sabiħ, u fuq qrabatu; kif ukoll fuq il-Kumpanni1 kollha tiegħu (radiyallâhu ta’âlâ ’anhum / jalla Alla l-Għoli jkun kuntent bihom), li ngħataw l-unur li jaraw wiċċu sabiħ, fejqan għall-erwieħ, u jisimgħu kliemu siewi, u b’hekk saru l-aktar għeżież fost il-bnedmin kollha; u fuq dawk li jimxu fuq il-passi tagħhom.

Alla l-Għoli, f’din id-dinja, minħabba l-ħniena Tiegħu għall-bnedmin kollha, joħloq u jibgħatilhom dak li jkun ta’ ġid għalihom. U fl-âkhirat Hu2, bil-ġenerożità Tiegħu, jaħfer anki lill-fidili li kellhom imorru f’Jahannam u jdaħħalhom f’Jannah. Muhammad ‘alaihis-salâm huwa n-nabî3, ir-rasûl u l-habîb (il-maħbub) ta’ Alla l-Għoli, is-sayyid (il-mexxej) ta’ wlied Âdam. Dawk li emmnu fi Profeta tant onorat u mxew fit-triq tiegħu, ċertament saru l-aħjar fost il-komunitajiet kollha.

Janâb al-Haqq, bil-ħniena Tiegħu, għamilna l-ummah tiegħu u b’hekk wasslilna l-akbar waħda mill-grazzji Tiegħu.4 Hu għarrafna biċ-ċar li għandna nimxu warajh u nobduh. Kemm infaħħru u nirringrazzjaw lil Rabb tagħna għal din il-grazzja kbira, xorta jkun ftit. Alla l-Għoli, qabel ma ħalaq xi ħaġa oħra, ħalaq in-nûr imbierek ta’ Sarwar al-âlam (sallallâhu ’alaihi wa sallam). Fil-Qur’ân al-karîm, fejn jindirizza lill-Profeta, jingħad: “Aħna bgħatniek bħala ħniena għad-dinjiet.” U f’hadîth qudsî5 jingħad: “Li ma kienx għalik, li ma kienx għalik, ma kontx noħloq il-ħlejjaq.”

Il-kundizzjoni bażika tal-fidi hija “hubb fillâh u bughd fillâh”, jiġifieri li nħobbu lill-ħbieb ta’ Alla l-Għoli u ma nħobbux lill-għedewwa Tiegħu. Sakemm din ma tkunx hemm, ebda ‘ibâda ma tiġi aċċettata, anzi tintefa’ f’wiċċ min jagħmilha. Għalhekk sar fard għalina li nħobbu lil “Sid id-dinjiet”, u ġejna ordnati nqiegħdu l-imħabba mbierka lejh fi qlubna u nżejnu ruħna bl-akhlâq sabiħ tiegħu. Biex din l-imħabba ma tintefiex, ilhom sekli jinkitbu kotba li jiddeskrivu l-ħajja mbierka ta’ Sidna l-Profeta; u għadhom jinkitbu llum ukoll. Biex ngħiduha aħjar, bl-isem imbierek tiegħu tinkiseb il-barka. U aħna, biex ikollna sehem minn din il-barka u biex l-imħabba lejh timla u tfur minn qlubna, nirrakkomandaw li taqraw il-ħajja mbierka tas-Sultân tal-univers, Rasûlullah, imħejjija wara studju twil tal-kotba tal-għorrief ta’ Ahl as-sunnah. Jalla Alla l-Għoli jkun kuntent b’dawk kollha li ħadmu fuqha. Jalla Janâb al-Haqq jimla l-qlub ta’ lkoll kemm aħna bl-imħabba lejn Sidna l-Profeta u jżommna fit-triq it-tajba li wrewna l-għorrief ta’ Ahl as-sunnah! Âmîn.

Dr. Enver Ören