பனீ நதீர் கஸா

ஹிஜ்ராவின் நான்காம் ஆண்டில் நடந்த முக்கிய சம்பவங்கள்

மதுபானம் அருந்துவதைத் தடை செய்யும் ஆயத்துல் கரீமா இந்த ஆண்டு இறக்கியருப்பட்டது.2 ஹஸ்ரத் ஸைனப் பின்த் குஸைமா ரஸூலுல்லாஹ்வால் நிகாஹ் செய்து கௌரவிக்கப்பட்டார்.3 இதே ஆண்டில் ஹஸ்ரத் அலீ மற்றும் ஹஸ்ரத் ஃபாத்திமா ஆகியோரின் இரண்டாவது குழந்தையான ஹஸ்ரத் ஹுஸைன் பிறந்தார்.4 ஹஸ்ரத் உம்மு ஸலமாவின் கணவர் உஹத் கஸாவில் காயமடைந்து மரணமடைந்திருந்தார். பல குழந்தைகளை விட்டுச் சென்றிருந்தார். எமது தாயார் உம்மு ஸலமா தனது வயதான காலத்தில் ஒரு கடினமான சூழ்நிலையில் விடப்பட்டார். நபிகள் நாயகமவர்கள் அவர் மீது மிகவும் இரக்கம் கொண்டு அவரை மணந்து கௌரவித்தார்கள்.5

ஃபாத்திமா பின்த் அஸதின் மறைவு

"அபூதாலிபுக்குப் பிறகு, இந்தப் பெண்மணியைப் போல (ஃபாத்திமா பின்த் அஸத்) யாரும் என்னிடம் நல்லவராக இருந்ததில்லை. அவர் என் தாய்."
ஹதீஸ் அஷ்-ஷரீஃப்

அந்த ஆண்டு ஹஸ்ரத் அலீயின் தாயார் ஃபாத்திமா பின்த் அஸத் காலமானார்.6 எம் தலைவர், நபியவர்கள் மிகவும் வருத்தமடைந்து, "இன்று என் தாயார் காலமானார்" என்று கூறினார்கள். பாட்டனார் அப்துல் முத்தலிப் அவர்களின் மறைவுக்குப் பிறகு நபியவர்கள் அவரால் வளர்க்கப்பட்டார்கள். அவர் நபித்துவத்தை அறிவித்த உடனேயே அவர் முஸ்லிமாக மாறிவிட்டார். அதனாலேயே பிரபஞ்ச சுல்தான் அவரைத் தன் தாயாகக் கருதி மிகுந்த மரியாதை காட்டினார். அவர் மீது கொண்ட இரக்கத்தின் காரணமாக, அவர் தனது அருள்வாய்ந்த மேலாடையைக் கொடுத்து, அதைத் அவரது போர்வையாகப் பயன்படுத்த உத்தரவிட்டார். ஜனாஸா தொழுகையை வழிநடத்திய பிறகு, எழுபதாயிரம் மலக்குகள் தொழுகையில் இருந்ததாக அறிவித்தார். மண்ணறைக்குச் சென்று உள்ளே நுழைந்தார். மண்ணறையில் அத்தாயுடைய வாழ்க்கை எளிதாகவும் இனிமையாகவும் இருக்க, அவர் மண்ணறையின் மூலைகளை நோக்கி விசாலமாகுமாறு சைக்கினை செய்தார். பின்னர் அவர் மண்ணறையில் படுத்தார்.

அவர் மண்ணறையிலிருந்து வெளியே வந்தபோது, அவருடைய அருள்மிகுந்த கண்கள் கண்ணீரால் நிரப்பப்பட்டிருந்தன, அவருடைய கண்ணீர் மண்ணறையில் விழுந்திருந்தது. "என் இறைவனே! அது என்ன கருணை? அவர் எப்பேர்ப்பட்ட அதிர்ஷ்டசாலிப் பெண்மணி? ஹஸ்ரத் உமரால் கூட பொறுக்க முடியாமல், "ரஸூலல்லாஹ், உமக்காக என் உயிர் அர்ப்பணமாகட்டும்! நீங்கள் யாருக்கும் செய்யாததை இந்தப் பெண்மணிக்குச் செய்தீர்கள்!" என்றார். விசுவாசிகளில் மிகவும் விசுவாசமானவரான எமது அன்பு நபி, "அபூதாலிபுக்குப் பிறகு, இந்த பெண்மணியைப் போல யாரும் எனக்கு நல்லவராக இருந்ததில்லை. அவர் என் தாய். அவருடைய குழந்தைகள் பசியுடன் இருக்கும்போது, அவர் முதலில் எனக்கு உணவளிப்பார். அவரது குழந்தைகள் தூசியும் அழுக்கும் படிந்திருக்க, அவர் முதலில் எனது தலையை சீவி என் தலைமுடியில் ரோஜா எண்ணெய்யை ஊற்றுவார். அவர் என் தாய்! நான் அவருக்கு ஜன்னாவின் ஆடைகளை அணிவிப்பதற்காக என் சட்டையை ஒரு கவசமாக அணிவித்தேன். மண்ணறையில் அவருடைய வாழ்க்கை இனிமையாகவும் எளிதாகவும் இருக்க வேண்டும் என்பதற்காக நான் அவருக்குப் பக்கத்தில் படுத்துக் கொண்டேன். ஜிப்ரஈல் அவர்கள், 'இப்பெண் ஜன்னாவுக்கு உரியவர்' என்ற செய்தியை அல்லாஹு தஆலாவிடமிருந்து என்னிடம் கொண்டு வந்தார்." என்று கூறினார். பின்னர் அவர் எமது தாய் ஃபாத்திமா பின்த் அஸதுக்காக பின்வருமாறு பிரார்த்தனை செய்தார்: "அல்லாஹு தஆலா உங்களை மன்னித்து வெகுமதி அளிப்பானாக. என் தாயே! அல்லாஹ் உங்களுக்கு ரஹ்மத் செய்வானாக. நான் பசியாக இருந்தபோது எனக்கு நீங்கள் உணவளித்தீர். நீங்கள் உடுத்துவதற்கு முன் எனக்கு ஆடை அணிவித்தீர், நீங்கள் உணவு சாப்பிட முன் எனக்கு உணவளிப்பீர். அல்லாஹு தஆலா உயிர்ப்பிப்பவனும், மரணிக்கச் செய்பவனும் ஆவான். அவன் எப்போதும் உயிருடன் இருக்கிறான். அவன் இறக்கவில்லை. யா அல்லாஹ்! என் தாயார் ஃபாத்திமா பின்த் அஸத்தை மன்னிப்பாயாக! உன் செயலை அவரிடம் சொல்வாயாக. அவரது மண்ணறையை அகலப்படுத்துவாயாக. அளவற்ற அருளாளனிலெல்லாம் மிக்க கிருபையாளனாகிய என் அல்லாஹ்! எனக்காகவும், உனது தூதருக்காகவும், முந்தைய நபிமார்களுக்காகவும் எனது பிரார்த்தனையைக் ஏற்றுக் கொள்வாயாக" என்று கூறினார்.

ஹிஜ்ராவின் நான்காம் ஆண்டில் நடந்த மற்ற முக்கிய சம்பவங்கள்

ஹஸ்ரத் உஸ்மான், ஹஸ்ரத் ருகய்யா ஆகியோரின் ஆறு வயது மகன் அப்துல்லாஹ் காலமானார். உலகங்களின் தலைவர் தன் பேரனுக்காக ஜனாஸா தொழுகையை நடத்தி, தானே அவனை மண்ணறையில் வைத்தார். அவர் மிகவும் சோகமாக இருந்தார்; அவரது கண்ணீர் மண்ணறையில் விழுந்தது. அவர் தனது அருள்மிகுந்த கரங்களால் மண்ணறையில் கற்களை வைத்து மூடிவிட்டு, "கருணையும் இளகிய இதயமும் கொண்ட தனது அடியார்கள் மீது அல்லாஹு தஆலா கருணை காட்டுகிறான்" என்று கூறினார்.7

நீங்கள் ரஸூல்களின் சுல்தான், மேன்மை பொருந்திய ஷா, என் நாயகம்.
ஆதரவற்றவர்களின் பாக்கியம் நீங்கள், என் தலைவரே.
தீர்ப்பு நாளில் நீங்கள்தான் தலைவர், என் நாயகமே.
நீங்கள்தான் "லா-அம்ருக்" ஆணையை அங்கீகரித்துள்ளீர்கள், என் நாயகமே.
நீங்கள் அஹ்மத் மற்றும் மஹ்மூத் மற்றும் முஹம்மத், என் எஜமானார்,
என் தலைவரே, நீங்கள்தான் எங்களுக்காக ஹக்கினால் உறுதிப்படுத்தப்பட்ட சுல்தான்.
உங்கள் கிராமத்தின் விளக்குகள் தூய ஆத்மாக்களின் ஆபரணத்திலிருந்து வந்தவை.
வானவர்கள் கன்னங்களைத் தடவுகின்ற இடம் உங்கள் அருள்மிக்க மண்ணறை.
உங்கள் பார்வை ஹக்கின் இருப்பின் கண்ணாடி,
அபூபக்ர், உமர், உஸ்மான், அலீ ஆகியோர் உங்கள் நண்பர்கள்.
நீங்கள் அஹ்மத் மற்றும் மஹ்மூத் மற்றும் முஹம்மது, என் எஜமானார்,
என் தலைவரே, நீங்கள்தான் எங்களுக்காக ஹக்கினால் உறுதிப்படுத்தப்பட்ட சுல்தான்.
நித்திய நிலத்தின் மிம்பரில் உங்கள் குத்பா ஓதப்படுகிறது.
தீர்ப்பு நாளில் உங்கள் தீர்ப்பு செல்லுபடியாகும்.
ஹூதாவின் முன்னிலையில் உமது புகழும் அறிவிக்கப்பட்டது.
உமது உயர்ந்த நாமம் பூமியிலும், வானத்திலும் ஓதப்படுகிறது.
நீங்கள் அஹ்மத் மற்றும் மஹ்மூத் மற்றும் முஹம்மத், என் எஜமானார்,
என் தலைவரே நீங்கள்தான் எங்களுக்காக ஹக்கினால் உறுதிப்படுத்தப்பட்ட சுல்தான்.
ஷெய்க் காலிப்