МЕНБАЛАР
- Къур’ан-ы Керим
- Энвару’т-тензиль – Къады Бейдавий
- Тефсир-и Мазхарий – Сенауллах Панипутий
- Тефсир-и Къуртубий – Имам-ы Къуртубий
- Тефсир-и Бейдавий – Къады Бейдавий
- Тефсир-и Кебир – Фахруддин-и Разий
- Тефсир-и Хазин – Алауддин-и Багъдадий
- Тефсиру’ль-Къур’ан – Имам-ы Тирмизий
- Тефсиру’ль-Къур’ан-ы азим – Эбу’ль-Фида
- Сахих-и Бухарий – Имам-ы Бухарий
- Сахих-и Муслим – Имам-ы Муслим
- Сунен-и Даракъутний – Даракъутний
- Сунен-и Тирмизий – Имам-ы Тирмизий
- Муватта – Имам-ы Малик
- Мустедрек – Хаким Нишабурий
- Сунен-и Ибн Мадже – Ибн Мадже
- Сунен-и Бейхакъий – Бейхакъий
- Сунен-и Давуд – Эбу Давуд
- Сунен-и сагъир – Имам-ы Несаий
- Муснед – Беззар
- Муснед – Дарими
- Муснед – Эбу Я’ля
- Муснед – Имам-ы Ахмед бин Ханбел
- Сахих – Ибн Хиббан
- Ахбару Мекке – Эзракъий
- Биргивий васиетнамеси – Имам-ы Биргивий
- Джалиету’ль-экдар – Мевляна Халид-и Багъдадий
- Джами’у’ль-эхадис – Суютий
- Джевап бералмады – Харпутлу Исхакъ Эфенди
- Делаилю’н-нубувве – Эбу Нуайм Исфаханий
- Делаилю’н-нубувве – Бейхакъий
- Дин лугъаты – «Тюркие» газетасы
- Эль-Бидае ве’н-нихае – Ибн Кесир (Эбу’ль-Фида)
- Энсабу’ль-эшраф – Белязурий
- Эль-Энвар – Багъавий
- Эль-Иктифа фи магъази’ль-Мустафа ве’с-селясети’ль-хулефа – Келаий
- Эль-Леалиу’ль-масну’а – Суютий
- Эль-Му’джему’с-сагъир – Имам-ы Табераний
- Эль-Мухаббер – Ибн Хабиб
- Эль-Мусаннеф – Имам-ы Абдурреззакъ Сан’аний
- Эль-Мусаннеф – Имам-ы Ибн Эби Шейбе
- Эль-Вефа би ахвали’ль-Мустафа – Ибн Джевзий (Абдуррахман Джевзий / Эбу’ль-Ферадж бин Джевзий)
- Эвсафу’н-Небий – Суютий
- Фейзу’ль-къадир – Мунавий
- Футуху’ль-булдан – Белязурий
- Эр кеске керек олгъан иман – Хаджы Фейзуллах Эфенди
- Хильету’ль-эвлия – Эбу Нуайм
- Ихья – Имам-ы Гъазалий
- Инсану’ль-уюн – Нуруддин Али Халебий
- Исабе – Ибн Хаджер Аскъаланий
- Исбату’н-нубувве – Имам-ы Раббани
- Ислям алимлери энциклопедиясы – «Тюркие» газетасы
- Истиаб – Ибн Абдульберр
- И’тикъаднаме – Мевляна Халид-и Багъдадий
- Кешфу’ль-хафа – Исмаил Аджлуний
- Къысас-ы энбия – Ахмед Джевдет Паша
- Кимья-и сеадет – Имам-ы Гъазалий
- Меариджу’н-нубувве терджимеси (Пейгъамберлер тарихы) – Алтыпармакъ Муhаммед Эфенди
- Меджмау’з-зеваид – Хейсемий
- Магъази – Вакъидий
- Мектубат-ы Имам-ы Раббани – Имам-ы Раббани
- Мектубат-ы Ма’сумие – Муhаммед Ма’сум Фарукъий
- Мевахиб-и ледунийе – Къасталлани
- Мевлид-и шериф (Весилету’н-неджат) – Сулейман Челеби
- Мир’ат-ы кяинат – Нишанджызаде Муhаммед Эфенди
- Му’джему’ль-кебир – Табераний
- Мукъаддиме – Дарими
- Равзу’ль-унуф – Сухейлий
- Сире – Ибн Кесир
- Сирет-и Ресул – Ибн Исхакъ
- Сирету’н-небевийе – Ибн Хишам
- Сирету’н-Небий – Ахмед бин Зейни Дахлан
- Сийеру’ль-кебир – Имам-ы Муhаммед
- Сийеру’ль-кебир шерхи – Имам-ы Серахсий
- Субулу’ль-худа – Шемседдин Шамий
- Шемаиль-и шерифе – Имам-ы Тирмизий
- Шифа-и шериф – Къады Ияз
- Шевахиду’н-нубувве – Мевляна Абдуррахман Джамий
- Шуабу’ль-иман – Бейхакъий
- Табакъату’ль-кубра – Абдульвеххаб Ша’раний
- Табакъату’с-сахабе – Ибн Са’д
- Тариху’ль-кебир – Бухарий
- Тахридж – Хузаий
- Тарих-и Димешкъ (Шам тарихы) – Ибн Асакир
- Там Ильмихаль – Сеадет-и Эбедие – Хусейн Хильми Ышыкъ
- Тарих-и Табарий – Табарий
- Тариху’ль-Ислям – Имам-ы Зехебий
- Тератибу’ль-идарийе – Кеттаний
- Усду’ль-гъабе – Ибну’ль-Эсир
- Уюну’ль-эсер – Ибн Сейидин-Нас
ЭКИНДЖИ АБДУЛХАМИД ХАН
«ЙЫЛДЫЗ» АЛЬБОМЛАРЫ – МЕККЕ ВЕ МЕДИНЕ
ФОТОРЕСИМЛЕРИ
Кябе-и шериф – Мекке-и мукерреме Месджид-и Харамнынъ кириш къапысы
Сафа тёпеси – Мекке Мерве тёпеси – Мекке
Сурре-и хумаюн Меккеде Биринджи Абдулхамид Ханнынъ яптыргъан Земзем къуюсы
МЕВЛИД-И БЕЙТ-И ШЕРИФ (1909)
Буюк ресимде ве ашагъыдаки сагъ ресимнинъ сагъ тарафында корюнген бир къуббели ве бир минарели месджит Ресулуллах Эфендимизнинъ дюньяны шерефлендирген мубарек еридир.
Пейгъамбер Эфендимиз иджрет вакътында бу мубарек эвни Азрети Алининъ (радыяллаху анху) къардашы Укъайл бин Эби Талибке теслим эткен эди. Укъайлнынъ торунлары исе оны Хаджджаджнынъ къардашы Муhаммед бин Юсуф-и Сакъафийге саттылар.
Сонъра бу мубарек эвни Аббасий халифеси Харун Решиднинъ анасы Хайзуран Хатун сатын алып, месджитке чевирди.
Аббасийлерден сонъ мемлюклер къорчалагъан бу месджит Османлы девринде де дикъкъатнен сакъланды.
Къануний Султан Сулейман Хан месджитни янъыдан яптырды ве Пейгъамберимизнинъ дюньягъа кельген ерини кумюш чубукълы бир панджара ичине алдырды.
Султан Биринджи Ахмед Хан да алтын бешик шеклинде яптыргъан макъам курсюсини бу панджаранынъ ичине къойдырды.
Валиде Султанлар дикъкъатнен бакъкъан месджитнинъ ихтияджларыны да кене Сарай Ханымлары темин эте эдилер.
Бу хусуста энъ чокъ хызметни Султан Дёртюнджи Мехмеднинъ зевджеси (Экинджи Мустафа ве Учюнджи Ахмед Ханнынъ анасы) Эметуллах Рабиа Гульнуш Султан япты.
Бу месджит тарих бою бир чокъ кере тамир этильди.
1924 сенеси йыкъылгъан месджитнинъ ерине Шейх Аббас Къаттан 1950 сенеси яптыргъан эв 1959 сенесинден берли Мекке Халкъ китапханеси оларакъ къулланыла.
ЭДЖЬЯД КЪАЛЕСИ (1890)
МУКЪАДДЕС ТОПРАКЪЛАРДА СОНЪКИ ОСМАНЛЫ ИЗЛЕРИ – РЕВАКЪЛАР
Бейтуллахны чевирип алгъан ильк кольгеликлер Азрети Осман (радыяллаху анху) заманында къурулды. Сонъра Аббасий халифеси Мехдий яптыргъан ревакълар заман кечкенинен эскирди.
Къануний Султан Сулейман ревакъларнынъ тамирини Мимар Синангъа яптырды, бу тамирден сонъ ревакъларнынъ усьтюне къуббелер иляве этильди. Мимар Синаннынъ талебелеринден Мимар Мехмет Агъа 1590 сенеси ревакълардаки сютюнлерге янъы илявелер япты, агъачтан япылгъан диреклерни ве кемерлерни мермер къулланып янъылады.
Султан Абдулазиз ве Экинджи Абдулхамид Хан заманында да оларгъа бакъылды.
2014 сенеси Кябени кенъиштирюв проекти черчивесинде ревакълар ерлеринден сёкюлип, Арафат якъынындаки иншаат ерине ташынды. 2016 сенеси кене ерлерине къоюлды.
МЕДИНЕ ВОКЗАЛЫ
АЗРЕТИ ОСМАННЫНЪ ТЮРБЕСИ
КЯБЕ-И ШЕРИФ
ДЖЕННЕТУ’ЛЬ-МУАЛЛЯНЫНЪ КИРИШИ
БИР ОСМАНЛЫ КЪАРАКОЛУ – МЕККЕ-И МУКЕРРЕМЕ
КЪАНУНИЙНИНЪ КЪУРДЫРГЪАН СУ ХАНИЯ КЪАЛЕСИ – МЕДИНЕ-И МУНАВВЕРЕ
МЕДИНЕ-И МУНАВВЕРЕ
МЕККЕ-И МУКЕРРЕМЕ
1. Эджьяд къалеси
Эджьяд къалеси Султан Биринджи Абдулхамид Хан девринде Кябени къорумакъ, хаджыларнынъ эминлиги, эм де Мекке шеэрининъ асайышы ве мудафаасы ичюн 1781–1783 сенелери арасында яптырылды, Биринджи Дюнья дженкинде тюрк гарнизоны оларакъ къулланылды. Амма Османлыдан ядигяр къалгъан Эджьяд къалеси 2002 сенеси йыкътырылды.
2. Умер дагъы
3. Хинд къалеси: Хинд къалесини де Меккенинъ эминлигини арттырмакъ ичюн 1806 сенеси Султан Учюнджи Селим Хан яптырды.
МЕДИНЕ-И МУНАВВЕРЕ
1. Ухуд дагъы
2. Меджидие минареси
Меджидие минареси месджитнинъ Бабу’с-селям ве Бабу’р-рахме адлы дигер минарелери киби Султан Абдулмеджид Хан тарафындан яптырылды. Минарелер Османлы мимарлыгъынынъ услюбини акс эттире. 3. Къуббе-и сеадет (Къуббе-и хадра – Ешиль къуббе): Мысыр тюркмен султаны Сейфеддин Салих Къалавун 678 [милядий 1279] сенеси Худжре-и сеадетнинъ усьтюне бугуньки къуббени яптырып, къуршуннен къаплатты. Къуббе 1253 [милядий 1837] сенеси Султан Экинджи Махмуд Ханнынъ (рахметуллахи алейх) эмринен ешиль тюске боялды.
4. Реисие минареси
Реисие минаресини мемлюклер яптырды, Къануний Султан Сулейман Хан ве Дёртюнджи Мехмед Хан заманларында тамир этильди. Баш муэззин эзанны мында окъугъаны ичюн бу эсас минаре Реисие деп адландырыла.
5. Халидие къараколу
6. Къышла-и асакир-и шахане (Османлы къышласы)
4. Фульфуль къалеси
Меккенинъ эминлиги етерли корюльмегени ичюн Фульфуль къалесини 1800–1801 сенелери арасында Султан Учюнджи Селим Хан яптырды.
1885 сенеси Осман Нури Паша Мекке эмири олгъан вакъытта хастахане алына кетирильди.
Ихтар:
Хинд ве Фульфуль къалелери де Эджьяд къалесинден эвель йыкътырылды.
7. Гъамаме месджити
«Гъамаме» арапча «булут» демектир. Пейгъамбер Эфендимизге (саллаллаху алейхи ве селлем) кольге япкъан булут Эфендимиз Месджид-и Небевиге кеткенде Оны бу ерде беклегени ичюн, о тарафкъа «булутнынъ ери» ады берильди, месджит де айны адны алды. Пейгъамбер Эфендимиз байрам намазларыны мында къылды. Месджит Султан Абдулмеджид Хан заманында тамир этильди.
8. Азрети Эбу Бекир месджити
Бугунь Азрети Эбу Бекир месджитинде олгъан Османлы китабесинде месджитни энъ сонъ Султан Абдулазиз Ханнынъ тамир эттиргени язылы. Фоторесим бу тамирден бир къач йыл сонъ чекильген.
9. Азрети Али месджити
Пейгъамбер Эфендимиз (саллаллаху алейхи ве селлем) мында Рамазан байрамы намазыны къылдырды. Азрети Али (радыяллаху анху) де халифелиги вакътында ве Азрети Осман (радыяллаху анху) эвинде къушатылгъанда, айны ерде байрам намазыны къылдырды. Бунынъ ичюн онъа «Азрети Али месджити» ады берильди.
10. Фатыма Зехранынъ себили (чешмеси)
КЯБЕ – ХАРЕМ-И ШЕРИФ
1. Макъам-ы Малики
2. Макъам-ы Ханефи
3. Хаджер-и Эсвед
4. Макъам-ы Ибрахим ве Макъам-ы Шафии
5. Земзем-и шериф къуюсы
6. Макъам-ы Ханбели
7. Мувакъкъитхане: Вакъытны ве намаз вакъытларыны бельгилемек ичюн мувакъкъитлер чалышкъан, вакъыт бельгилемекте къулланылгъан алетлер ве догъру къурулгъан саатлер олгъан, кучюк бир расатханеге бенъзеген бинагъа мувакъкъитхане дейлер. Адетте буюк джамилернинъ янында ола. Саатлерни къургъан ве хусусан намаз вакъытларыны бельгилеген мемурларгъа мувакъкъит дейлер, оларнынъ масрафларыны вакъыфлар къаршылай. 8. Китапхане: Мекяны дженнет олсун Султан Абдулмеджид Хан 1262 (милядий 1846) сенеси Кябенинъ шаркъ тарафындаки, эр бири алты метр чапында къуббели эки эски бинадан бирини мувакъкъитханеге, дигерини исе китапханеге чевирди [Мир’ату’ль-Харемейн – Мир’ату’ль-Мекке, 2/770]. Абдулмеджид Хан китапханеге 3653 джильт китап багъышлады.
ЭС-САЛАТУ ХАВЛЕ’ЛЬ-КЯБЕ (Кябе этрафында намаз)
КЪУББЕ-И СЕАДЕТ ВЕ РЕИСИЕ МИНАРЕСИ
1. Фатыма Зехранынъ багъчасы
2. Османнынъ михраб къуббеси
ТЕМИЗ ШЕЭР МЕДИНЕ-И МУНАВВЕРЕ
МЕСДЖИД-И НЕБЕВИ
МЕНАХА МЕЙДАНЫ (ДЕВЕ БАЗАРЫ)
ДЖЕННЕТУ’ЛЬ-БАКЪИ МЕЗАРЛЫГЪЫ
1. Азрети Имам Малик ве Азрети Нафи’нинъ тюрбеси
2. Азрети Укъайл бин Эби Талибнинъ (Пейгъамберимизнинъ эмджезадеси) ве Азрети Абдуллах бин Джафер-и Тайярнынъ тюрбеси (Пейгъамберимизнинъ эмджесининъ торуны, Джафер-и Тайярнынъ огълу)
3. Эзвадж-ы мутаххерат тюрбеси:
Бу тюрбеде Азрети Хатидже ве Азрети Меймунеден гъайры Пейгъамберимизнинъ бутюн зевджелери (Каффе-и эзвадж-ы мутаххерат) дефн этильген. Ичинде Азрети Айшенинъ къабри де олгъан бу тюрбени 1543 сенеси Къануний Султан Сулейман тамир эттирди.
4. Ресулуллахнынъ огълу Азрети Ибрахимнинъ (радыяллаху анху) тюрбеси
Пейгъамберимизнинъ аилесинден Дженнету’ль-Бакъиге ильк дефн этильген кимсе даа бебек экен вефат эткен огълу Ибрахим эди.
Азрети Осман бин Маз’ун исе Дженнету’ль-Бакъиге дефн этильген ильк сахаби эди. 5. Бенату’н-Небий тюрбеси: Мында Пейгъамбер Эфендимизнинъ къызлары Азрети Рукъайе, Азрети Умму Гульсум ве Азрети Зейнеб (радыяллаху анхунне) дефн этильген.
6. Азрети Фатыма бинт Эседнинъ (радыяллаху анха) тюрбеси
7. Мурдиату’ль-мурселин Азрети Халиме-и Са’дие: Мында Пейгъамбер Эфендимизнинъ (алейхисселям) сют анасы Азрети Халиме (радыяллаху анха) дефн этильген.
8. Азрети Осман бин Аффаннынъ (радыяллаху анху) тюрбеси: Учюнджи халифе Азрети Османнынъ (радыяллаху анху) тюрбесини 1205 сенеси Салахуддин-и Эййубий яптырды. Османлылар заманында тамир этильди ве бакъылды. 9. Эхл-и Бейт тюрбеси: Бу тюрбеде Азрети Аббас (Пейгъамбер Эфендимизнинъ эмджеси), Азрети Имам Хасану’ль-Муджтеба, Азрети Имам Зейнелябидин, Азрети Имам Муhаммед Бакъыр ве Азрети Имам Джафер-и Садыкъ (радыяллаху анхум) дефн этильген.
10. Азрети Фатыма Зехранынъ тюрбеси
Ихтар:
Дженнету’ль-Бакъиде Пейгъамбер Эфендимизнинъ дёрт къызы ве бир огълу дефн этильген. Фоторесимде къабирлери косьтерильмеген, Дженнету’ль-Бакъиде дефн этильген буюк сахабелер арасында Абдуррахман бин Авф, Са’д бин Эби Ваккъас, Абдуллах бин Месуд, Сухейб бин Синан, Эбу Хурейре, Эбу Суфьян бин Харб, Са’д бин Муаз ве Суфьян бин Харис (радыяллаху анхум) де бар. 1806 сенеси Медине ишгъаль этильгенде, Дженнету’ль-Бакъидеки мезар ташлары ве тюрбелер йыкъылды. Султан Экинджи Абдулхамид Хан заманында мезар ташлары тамир этильди, тюрбелер янъыдан къурулды. Бу фоторесим о тамирден сонъ чекильген.
Амма 1926 сенеси Османлынынъ Харемейнге хызмети биткенден сонъ Дженнету’ль-Бакъи кене айны акъибетке огърады.
ДЖЕННЕТУ’ЛЬ-МУАЛЛЯ МЕЗАРЛЫГЪЫ
1. Хатидже-и Кубранынъ (радыяллаху анха) тюрбеси: Пейгъамбер Эфендимизнинъ (саллаллаху алейхи ве селлем) зевджеси Азрети Хатидженинъ (радыяллаху анха) Дженнету’ль-Муалляда олгъан тюрбесини 1543 сенеси Мекке наиби Давуд Пашанынъ назаретинде Къануний Султан Сулейман яптырды.
Эвельде тюрбенинъ ерине агъач бир сандукъа бар эди.
2. Эджьдад-ы Ресулиллях тюрбеси: Бу тюрбеде Пейгъамбер Эфендимизнинъ къартбабасы Абдулмутталибнинъ ве буюк къартбабасы Абд-и Менафнынъ къабирлери бар.
3. Эбу Талибнинъ тюрбеси
4. Севимли Пейгъамбер Эфендимизнинъ мубарек анасы Азрети Аминенинъ (радыяллаху анха) макъамы олгъан тюрбе
Анамыз Азрети Аминенинъ къабри энъ мешур риваетке коре Эбвададыр. Амма базы менбаларда Дженнету’ль-Муаллягъа кочюрильгени де ривает этиле.
Ихтар:
Бу тюрбелерни 1879 сенеси Султан Экинджи Абдулхамид Хан тамир эттирди.
Эвлия Челеби Османлы девринде Дженнету’ль-Муалляда Пейгъамбер Эфендимизнинъ (саллаллаху алейхи ве селлем) къартбабасы ве эмджеси, дигер сахабелер ве Ислямнынъ буюк шахсиетлерине аит етмиш беш тюрбе олгъаныны айта.
АРАФАТНЫНЪ КЪЫБЛЕГЕ БАКЪКЪАН САГЪ ТАРАФЫ
МИНАДА КЪУРБАН БАЙРАМЫ
(1880 сенеси бош айынынъ 13-ю)
АЗРЕТИ ХАМЗАНЫНЪ (РАДЫЯЛЛАХУ АНХУ) ТЮРБЕСИ ВЕ МЕСДЖИТИ УХУД ДАГЪЫНДА
Месджид-и Джебель-и Айнейн: Бу – Азрети Хамзанынъ (радыяллаху анху) шеит олгъан еридир. Ресулуллах (саллаллаху алейхи ве селлем) мында силялы ве дженк кийиминде экен намаз къылды.
МИНА
ХАМИДИЕ МЕСДЖИТИ – МЕККЕ
АЗРЕТИ ЭЙЙУБ СУЛТАННЫНЪ ЭВИ
ОСМАНЛЫ КЪЫШЛАСЫ – МЕККЕ
ТАЙИБЕ АМАМЫ – МЕДИНЕ
РЕИСИЕ МИНАРЕСИ – МЕДИНЕ
БАБУ’С-СЕЛЯМ – МЕДИНЕ
ОСМАНЛЫ МИМАРЛЫГЪЫНДАН БИР ЭСЕР – МЕККЕ
МЕККЕ (Сагъ тарафтаки месджит севимли Пейгъамберимизнинъ дюньягъа кельген эвидир.)
