Ягъмур дуасы
Иджретнинъ алтынджы сенесинде къоркъунчлы бир къытлыкъ олгъан, коктен бир тамчы биле тюшмеген эди. Бу себептен ерде от битмеген, инсанлар ве айванлар ачлыкъ сыкъынтысына тюшкен эдилер. Рамазан-ы шериф айынынъ бир джума куню севимли Пейгъамберимизге: «Я Ресулаллах! Дуа этсенъиз де, Аллаh Тааля ягъмур ихсан этсе!…» деп муратларыны бильдирдилер. Пейгъамбер Эфендимиз асхабынен сахрагъа чыкъып, эзан окъулмадан ве икъамет кетирильмеден эки рекят намаз къылды. Пейгъамбер Эфендимиз мубарек ридасыны терс чевирип, текбир кетирди. Сонъра мубарек эллерини енълерининъ арасындан мубарек къолтукъ тюплери корюнгендже котерип: «Эй Аллаhым! Бизге ягъмур ихсан эйле!…» деп дуа этмеге башлады. Асхаб-ы кирам да: «Амин! Амин!» дей эдилер. О аньде кок юзю пек ачыкъ эди, бир булут биле ёкъ эди. Ресул-ы Экрем Эфендимиз дуа эткенде, бир рузгяр эсмеге башлады ве кок юзюни булутлар къаплагъаны корюльди. Сонъра инджеден-индже бир ягъмур башлады. Алемлернинъ Эфендиси бу сефер: «Аллаhым! Бу ягъмурны къуюп-къуюп ягъдыр ве бизим ичюн хайырлы эйле!» деп дуа этти. Шу аньде ягъмур къуюп-къуюп ягъмагъа башлады. Пейгъамбер Эфендимизнинъ ве Асхаб-ы кирамнынъ урбаларында ыслакъ олмагъан ер къалмады. Эвге баргъандже, сувлар эр тарафны кольге чевирди. Эр кес сувгъа батып юре эди. Ягъмур девам эте эди. О куню, эртеси куню… Эртеси куню… келеджек джума вакътында Асхаб-ы кирам: «Я Ресулаллах! Эвлеримиз ягъмур сувларындан йыкъылмагъа, айванларымыз да богъулмагъа башлады. Аллаh Таалягъа дуа этсенъиз де, ягъмур кесильсе!…» дедилер. Севимли Пейгъамберимиз кулюмсиреди ве мубарек эллерини котерип, дуа этти:
«Я Рабби! Бу ягъмурны экинликлерге, тереклер биткен ерлерге, вадийлерге ёлла!» Шу аньде бир афта девамында ягъгъан ягъмур токътады ве дуа этильген ерлер ысланмагъа башлады.
Алемлер нургъа гъарк олды,
Муhаммед догъгъан гедже,
Му’мин мунафыкътан айрылды,
Муhаммед догъгъан гедже.
Коктен ерге нур атылды,
Едилер, къыркълар къатылды,
Кешишнинъ тили тутулды,
Муhаммед догъгъан гедже.
«Бугунь (Гъабе гъазвасында) атлыларымызнынъ энъ хайырлысы – Эбу Къатаде, пияделеримизнинъ энъ хайырлысы да Селеме бин Эква’дыр» Хадис-и шериф
