Зекят мемурлары ёллангъан ерлер
Азрети Эбу Муса эль-Эш’арийни Къур’ан-ы Керимни ве дин ишлерини огретмек ичюн Меккеде вазифелендирди.1 Эбу Суфьян бин Харбны Йемен вилаетинден Неджрангъа эмир тайин этти. Кесир бин Абдуллахны да янына ярдымджы оларакъ вазифелендирди. Меккедеки ишлер тамам олгъандан сонъ, Мерру’з-Захрангъа кельдилер. Къалгъан гъанимет де анда такъсим этильди. Сонъра шанлы асхабынен кене ёлгъа тюшип, Зилькъаденинъ сонъларында Мединеге еттилер. Мединеден Рамазан-ы шерифнинъ онунджы куню, чаршенбе куню чыкъкъан эдилер. Бу сефер учь ай къадар девам этти.
Бир кунь гъам дерьясына далып, тюшюнджеге кеттим, Озюмден кечип, озюмни гъайып эттим, Исьянымны анъып, акъибетимден къоркътым, Бир сейиднинъ бу бейитни анъгъаныны эшиттим: Сенсинъ Аhмед, Маhмуд ве Муhаммед, Эфендим, Хакътан бизге къуветленген султансынъ, Эфендим. Умют ичиндемиз, умютсизликнен ах этмеймиз биз, Иман сермаесини зая этмеймиз биз, Къапынъны ташлап, ятларгъа сыгъынмаймыз биз, Сенинъ кольгенъде ич кимсеге бакъмаймыз биз. Сенсинъ Аhмед, Маhмуд ве Муhаммед, Эфендим, Хакътан бизге къуветленген султансынъ, Эфендим. Шейх Гъалиб
Иджрий секизинджи йылда олгъан базы вакъиалар
Бени Са’лебеден дёрт киши Ресулуллахнынъ меджлисине кельдилер. «Бизни къавмымыз ёллады. Иджрет этмегендже Ислям тамам олмай, деп эшиттик» дедилер. Буюрды ки: «Къайда олсанъыз олунъыз, такъва узере олунъыз, иджрет этмесенъиз де, зарары ёкъ. Дининъизге ве миллетинъизге халель кельмез.» Сонъра оларны Ремле бинт Хариснинъ эвине ёллап, зияфет бердилер. Сонъ эр бирине дёртер вакъыйе кумюш берип, эвлерине кетмелерине изин бердилер. Шу йыл Ресулуллах саллаллаху алейхи ве селлемнинъ къызы Зейнеб вефат этти. Онынъ ичюн табут яптылар. Ислямда ильк табут онъа япылгъандыр. Эбу’ль-Аснынъ никяхлысы эди. Бедир вакътында Меккеден оны Мединеге озгъаргъанда, ёлда Хебар Азрети Зейнебнинъ девесине мызракъ аткъан эди. Деведен тюшкенде, баласыны тюшюрип хасталангъан эди. Бу онынъ олюмине себеп олды. Эки баласы къалды. О йыл Зильхидже айында Ресулуллахнынъ огълу Ибрахим дюньягъа кельди. Анасы Марие Хатун радыяллаху тааля анхадыр. Эбу Рафи келип, мужде берди. Онынъ ичюн бир къул азат этти. Акъикъа оларакъ бир къочкъар кести. Башыны тыраш этип, сачынынъ агъырлыгъы къадар кумюш садакъа берди.
Иджрий докъузынджы йылда олгъан муим вакъиалар
Алемлернинъ Эфендиси иджрий докъузынджы йыл Мухаррем айынынъ башларында къабилелерге зекят мемурлары (амиль, саи) тайин этти. Мумкюн олгъан къадар эр къабилеге озюнден бир амиль берильди. Ибн Хасиб-и Эслемийни Эслем ве Гъаффаргъа; Аббад бин Бишрни Бени Селим ве Музейнеге; Амр бин Асны Фезареге; Даххакъ бин Синанны Бени Килябгъа; Рафи’ бин Мекнет-и Джехнийни Джухейнеге; Бишр бин Суфьян Ка’бийни Бени Ка’б ве Бени Темим узерине ёллады.
Бир йыл сонъ таифлилер мусульман олмакъ ичюн алты кишилик бир эйетни Мединеге севимли Пейгъамберимизнинъ узурына ёлладылар. Алемлернинъ Эфендиси бир йыл эвель Таифтен айрылгъанда: «Я Рабби! Сакъифлилерге догъру ёлны косьтер, оларны бизге кетир» деп дуа эткен эди. Иште шимди сакъифлилер мусульман олмакъ ичюн кельген эдилер. Ресул-ы Экрем Эфендимиз оларнынъ мусульман олмаларына пек къуванып, озьлерине базы имтиязлар берип, Таифке ёллады. Башларына Азрети Осман бин Эби’ль-Асны вали тайин этти.2
Неджашининъ вефаты
Иджретнинъ докъузынджы йылынынъ Реджеп айы эди. Бир кунь Ресулуллах Эфендимиз асхабына: «Бугунь салих бир къардашынъыз вефат этти. Турунъыз, онынъ намазыны къылынъыз» буюрды. Пейгъамбер Эфендимиз имам олып, гъыяби дженазе намазыны къылдырды. Сонъра буюрды ки: «Къардашынъыз Неджаши Асхаме ичюн Аллаh Таалядан магъфирет истедик.»
Бир муддет сонъ Хабешистандан кельген хаберден Неджаши Асхаменинъ (рахметуллахи тааля алейх) вефат эткени огренильди. Бу, Пейгъамбер Эфендимизнинъ онынъ дженазе намазыны Мединеде къылдыргъан кунюне туш келе эди.3
«Къайда олсанъыз олунъыз, такъва узере олунъыз, иджрет этмесенъиз де, зарары ёкъ. Дининъизге ве миллетинъизге халель кельмез» Хадис-и шериф
Джаным къурбан олсун сенинъ ёлунъа,
Ады гузель, озю гузель Муhаммед,
Кель, шефаат эйле бу кемтер къулунъа,
Ады гузель, озю гузель Муhаммед.
Му’мин олгъанларнынъ чокътыр джефасы,
Ахиретте олур зевкъ ве сефасы,
Он секиз бинъ алемнинъ Мустафасы,
Ады гузель, озю гузель Муhаммед.
Еди къат коклерни сейран эйлеген, Курсийнинъ усьтюнде джевлян эйлеген,
Мираджда умметини Хакътан дилеген,
Ады гузель, озю гузель Муhаммед.
Юнус не япсын эки джианны сенсиз,
Сен хакъ пейгъамберсинъ шекксиз, гумансыз,
Санъа уймагъанлар кетер имансыз,
Ады гузель, озю гузель Муhаммед.
